Кечээ Кыргыз Республикасынын Инвестицияларды тартуу боюнча Улуттук агенттигинде «Цзюйхен Недвижимость» компаниясынын өкүлдөрү менен жолугушуу өттү. Агенттиктин маалымат кызматы сүйлөшүүлөрдүн жыйынтыгы боюнча инвестициялык өз ара аракеттешүүнү өнүктүрүүгө багытталган түшүнүшүү меморандуму кол коюлганын билдирди.
Жетишилген макулдашууларга ылайык, компания көп функциялуу комплекс түзүү долбооруна каражат салууга кызыкдар экенин билдирди. Бул объект Кыргыз Республикасында бизнес-борборлорду, турак жайларды жана соода жайларын камтыйт.
Агенттиктин жетекчиси Равшанбек Сабиров инвесторго долбоорду коштоп, ыйгарым укуктуу мамлекеттик органдар менен координациялоону да камтыган ар тараптуу колдоо көрсөтүүгө даяр экенин билдирди.
