Кыргыз Республикасынын Мамлекеттик салык кызматынын төрагасы Алмамбет Шыкмаматов Италияда өтүп жаткан Vicenzaoro эл аралык зергерлик көргөзмөсүнө катышты.
Сапарынын учурунда ал зергерлик өнөр жайындагы актуалдуу тренддер менен таанышып, белгилүү италиялык бренддердин жана профилдик ассоциациялардын өкүлдөрү менен бир катар жолугушуулар өткөрдү.
Кеңешмелердин жүрүшүндө Кыргызстанда зергерлик өндүрүштү өнүктүрүү, заманбап технологияларды киргизүү, адистерди даярдоо, ошондой эле инвестицияларды тартуу жана эл аралык компаниялар менен өнөктөштүк мамилелерди түзүү мүмкүнчүлүктөрү талкууланды.
Ошондой эле италиялык өндүрүүчүлөрдүн Кыргыз Республикасына визити боюнча макулдашууга жетишилди, бул жергиликтүү рынокту изилдөө жана биргелешкен долбоорлорду иштеп чыгуу үчүн.
