Улуттук статистика комитети 2025-жылга жашоо минимумунун көлөмү тууралуу маалыматтарды жарыялады. Орточо алганда, ал айына бир адамга 8 697,32 сомду түзөт.
Эмгекке жарамдуу калк үчүн жашоо минимуму 9 738,29 сом деңгелинде белгиленген (эркектер үчүн — 9 983,49 сом, аялдар үчүн — 9 694,40 сом). Пенсионерлер үчүн минималдуу деңгээли 7 699,36 сом, ал эми балдар үчүн 7 379,07 сомду түзөт.
Жашоо минимумунун негизги бөлүгүн азык-түлүк товарларына болгон чыгымдар түзөт — 5 653,26 сом. Андан кийин кызмат көрсөтүүлөр — 1 478,54 сом, азык-түлүк эмес товарлар — 1 391,57 сом, ошондой эле салык жана жыйымдар — 173,95 сом.
Бул көрсөткүчтөр адамдын жашоосун камсыз кылуу үчүн зарыл болгон товарлар жана кызматтардын минималдуу керектөө деңгээлин чагылдырат жана айлык орточо көлөмүнө негизделип эсептелген.
