Ош шаарында асфальттоо иштеринен кийин көпүрө жана көчө ачылды

Ош шаарында Ж.Шамшиева көчөсүндө көпүрөнүн ачылышы жана №151 көчөнүн асфальттоо иштери аяктады.

Turmush маалымат агенттигинин кабарчысы билдиргендей, №151 көчөсү «Жибек-Жолу» муниципалдык аймактык башкармалыгынын көзөмөлүндө. Ачылышка жергиликтүү тургундар жана бийлик өкүлдөрү чогулушту.

Көпүрөнүн узундугу 9 метр, туурасы 21 метр. Курулуш учурунда эки тарапта жөө жүргүнчүлөр үчүн тротуарлар курулуп, ошондой эле жашыл зона, суу түтүктөрү жана ирригациялык лотоктор каралган.

Мурда Шамшиева көчөсүнүн реконструкциясы аяктап, азыркы учурда 600 метрге созулду. Жол төрт тилкеге кеңейтилип, унаа жүрүү бөлүгүнүн туурасы 22 метрге жетти.

Мындан тышкары, №151 көчөсүнө 1400 метр асфальт төшөлдү. Иштер 2025-жылдын сентябрь айында башталып, декабрь айында аяктады. Тендерди ОсОО «Сапат Курулуш» аткарды. Жобонун жалпы баасы 36 миллион сомдон ашты.
Юстиция министрлигинин маалыматына ылайык, ОсОО «Сапат Курулуш ЛТД» 2025-жылдын 27-январында кайра каттоодон өткөн. Компаниянын негиздөөчүсү жана директору Абдыкаров Жылдызбек Мийзамидинович, уюм имараттарды куруу менен алектенет.