Ош шаардык мэриясынын алдында жаңы структура пайда болду
2025-жылдын 23-декабрында Ош шаардык кенешинин депутаттары өз сессиясында «Ош шаар мэриясынын Финансылык башкармалыгы» аттуу мекемени түзүүнү колдошту.
Бул чечим «Жергиликтүү мамлекеттик башкаруу жана жергиликтүү өз алдынча башкаруу органдары жөнүндө» мыйзамга жана 2025-жылдын 12-августундагы президенттин № 264 буйругуна ылайык кабыл алынган. Талкуу учурунда Ош шаарынын биринчи вице-мэри Адилет Шаршеналы уулунун бул финансылык башкармалыкты түзүү зарылдыгы боюнча сунушу угулду. Ошондой эле 2025-жылдын 18-декабрындагы Ош шаардык кенешинин бюджет, экономика жана өнөр жай маселелери боюнча туруктуу комиссиясынын № 33 чечими эске алынды. Натыйжада, шаардык депутаттар мекеменин түзүлүшүнө жана аны жергиликтүү бюджеттен каржылоого 2026-жылдын 1-январынан баштап макул болушту.
Бул чечим расмий жарыяланган учурдан тартып күчүнө кирет.
Окшош материалдар:
