Иранда нааразычылыктар фонуна интернет өчүрүлдү
Маалыматка ылайык, интернетке кирүү мамлекеттик кызматкерлер жана күч структуралары үчүн гана калды, деп билдирет dpa.Бул окуялардын фонуна карата, АКШнын президенти Дональд Трамп Salem News Channel'ге берген интервьюсунда ирандык бийликтерге карата коркутууларын кайрадан билдирди: "Мен алар адамдарды өлтүрө баштаса, катуу аракет кыларыбызды так белгиледим, бул алардын башаламандык учурунда көп болуп жатат", - деди ал, ирандыктар "батыл адамдар" экенин белгилеп. Трамп өзүнүн администрациясы окуялардын өнүгүшүн жакындан көзөмөлдөп жатканын баса белгиледи.
Эскерте кетсек, Иранда массалык нааразылык акциялары 28-декабрда Тегерандын негизги базарында башталган, анда дүкөн ээлери гиперинфляцияга жана баалардын кескин өзгөрүшүнө каршы нааразылык катары өз дүкөндөрүн жапкан.
29-декабрда ирандык риалдын курсу жаңы минималдык рекордду орнотту (бир риал болжол менен 0,002 сомго барабар). Дүйнөлүк банктың маалыматы боюнча, октябрь айында Иранда азык-түлүк инфляциясынын деңгээли 64,2% түзүп, антирейтингде Түштүк Суданга гана жол берди.
8-январда нааразычылык билдиргендер Тегерандын негизги магистралдарынын бирин - Аятолла Кашани бульварын жабышты. Ошондой эле Мешхед, Керманшах жана башка ири шаарларда массалык акциялар жөнүндө маалыматтар бар. Демоностранттарга каршы коопсуздук күчтөрү көз жашын агызуучу газ колдонуп жатканы dpa агенттиги күбөлөргө таянып билдирди.
Норвегиялык Iran Human Rights уюмунун акыркы маалыматына ылайык, нааразылык акцияларынын жүрүшүндө кеминде 45 демонстрант өлдү, алардын сегизи жашы жете элек. Мурда ирандык бийликтер жана маалымат каражаттары 21 адамдын, анын ичинде күч структураларынын өкүлдөрүнүн өлгөнү жөнүндө билдиришкен.
Башкы беттеги сүрөт: dw.com.
Окшош материалдар:
