20 жаштагы Рамзан Кадыровдун уулу Чеченстандын вице-премьер-министр болуп дайындалды

Ахмат Кадыров
Чеченстандын өкмөтүндө жаңы кызматка дайындалган Ахмат Кадыров, 2024-жылдын май айында дайындалган дене тарбия жана спорт министринин милдеттерин улантат. Мурда, 2024-жылдын февралынан майына чейин, ал республикадагы жаштар иштери министринин кызматын аркалаган.

Ахмат Кадыровдон тышкары, өкмөттүн төрага орун басарынын милдетин Ахмед Дудаев да аткарат, ал республикадагы тышкы байланыштар жана маалымат министри болуп саналат.

Рамзан Кадыров өзүнүн Telegram-каналында «Ахмат Кадыров жана Ахмед Дудаев башкаруу боюнча чоң тажрыйбага ээ, алар башкарган тармактарды терең түшүнүшөт жана натыйжалуу, жооптуу лидерлер катары өздөрүн көрсөтүштү» деп белгилеген.